انا بخــــير..ان كان هذا سؤالـــــك
و ان كان غيره..لا تحاول ولا تقول
//
ما راح ارد الا على ( كيف حالك )
و اقول ماشي الحال .. لو كان مشلول !
//
ماطيق بــــعدك..بس مابي وصالك
معادلــــــه سهله ولا تبغي حلــــول
//
غرك جمالك ؟ .. بكرا تلعن جمالك
و تعود لي من صدمة الوقت مذلول
//
و انا على خــبرك خصيم المهـــالك
اذا قسيت يصيبني داء ( ابو الهول )
//
قد قال ابوي ..احفظ رفيق ٍ عنا لك
و اللي تمـــادى بالجفا خلّـــــه يزول
//
لا تلتفــــت لـــه لو ترجّى وصـــالك
منته مكــــلّف به ولا عنْه مســـؤول
//
مع الســـلامه روح و الدرب ســـالك
بابي عن رْيـــاحك غدا الـــيوم مقفول
//
حتى الشموع اللي ارسمت لي خيالك
طفّيتها بكيفي .. و كل شي مـــــعقول !
//
فوق الهموم و حزني .. القلب شالك
حبيتك و لــــك قلب مغـــــتر معلول
//
تعبان بَــعدي .. صح؟ .. و انا كذلك
خلّك بعيد احسن .. و انا بْعيد .. لاحول !
//